Dr. Jalə Qarayeva nevroloq və EEQ (elektroensefaloqrafiya) mütəxəssisidir. 2007-ci ildə Azərbaycan Tibb Universitetini bitirib, Respublika Kliniki Xəstəxanasında nevrologiya üzrə internatura keçib, sonra Türkiyədə, Ankara Gazi Xəstəxanasının nevrologiya kafedrasında ixtisaslaşıb.
İndiyədək dövlət və özəl klinikalarda çalışıb. Hazırda Hayat Referans Hospital-da qəbul aparır. Əsas istiqamətləri panik atak və təşviş pozuntuları, baş ağrıları və miqren, epilepsiya, yuxu və yaddaş pozğunluqları, başgicəllənmədir.
Panik atağa yanaşma
Panik atak şikayəti ilə gələn insanda ilk addım fiziki səbəbləri (ürək, qalxanabənzər vəzi və digər xəstəlikləri) istisna etməkdir — çünki əlamətlər bir çox vəziyyətə oxşayır. Nevroloji müayinədən sonra tutmaların necə başladığı, nə qədər davam etdiyi və hansı hallarda artdığı ətraflı araşdırılır.
Müalicə planı iki hissədən ibarət olur: tutma anında vəziyyəti idarə etmək və tutmaların qarşısını almaq. Əsas vasitələr nəfəs və rahatlama texnikaları, koqnitiv-davranış yanaşması, lazım gəldikdə dərman müalicəsidir. Nəticə vəziyyət gündəliyi əsasında izlənilir.
Dr. Jalə Qarayeva "Sağlam həyat naminə" beynəlxalq elmi-tibbi jurnalında dərc olunmuş "Baş ağrıları" məqaləsinin müəllifi, "Milli Nevrologiya" jurnalında dərc olunmuş insult mövzusunda elmi məqalənin həmmüəllifidir. Beynəlxalq Baş Ağrısı Cəmiyyətinin (International Headache Society) konfransında, Azərbaycan və Türkiyədə nevrologiya üzrə çoxsaylı kurs və konfranslarda iştirak edib. "İlin həkimi" diplomuna layiq görülüb.
Ümumi nevrologiya mövzusunda məqalələr: nevroloq.az.